Вчера со два натпревари беше отворено 4. коло во Трета лига – Запад, а во кое екипата на Напредок во Кичево со убедливи 4:1 го декласираше новиот третолигаш Скендербеу.
Натпревар со голема доминација на домашниот тим и одлична игра, а веќе по првите 45 минути домаќинот имаше предност од два погодоци, откако погодија Осман Исмаили и Никола Калевски.
Во вториот дел Младен Котевски во 55. минута зголеми на 3:0, додека пак Амир Османи во 66. минута намали на 3:1.
Но, сепак гостинот немаше сили за било какво изненадување, а Ангел Божиноски во 83. минута ги постави конечните 4:1.
Со два гола во финишот Џепчишти ги освои трите бодови во соочување со Љуботен на домашен терен, откако Агон Селамни погоди во 86. минута за отварање на резултатот, а по две минути игра Алдин Јонузи постигна уште еден гол за конечни 2:0.
Колото се затвара денес со останатите четири натпревари. Зајази го чека Камјани, Ренова ќе биде домаќин на Доброштип, Вардар во Брвеница со Дрита, а пак Речица со Влазерими.
