Силекс се наоѓа во резултатска мини криза со три порази по ред во Првата македонска фудбалска лига, но кратовскиот прволигаш верува дека токму дуелот против Тиквеш ќе биде вистинска шанса за враќање на победничките патеки.
Иако резултатите во последните натпревари не се на посакуваното ниво, атмосферата во таборот на Силекс останува позитивна, а играчите се решени да го прекинат негативниот низ на свој терен.
„На дуелот со Тиквеш одиме на три бода, сакаме да излеземе од мини кризата. Ќе се обидеме да го искористиме нашиот домашен терен и домашната публика за да се вратиме во вистинскиот колосек. Атмосферата во тимот е одлична, трите порази гледаме да ги ставиме на старана и максимално да се фокусираме кон мечот со Тиквеш. Се надевам дека ќе ги освоиме трите бода, затоа што овој меч многу ни значи и да ја подигнеме самодовербата во екипата. Имаме респект за тимот од Кавадарци, Тиквеш на чело со тренерот Мојсов игра добро, но ние имавме доволно време да го анализираме противникот и со тимска игра се надевам дека бодовите ќе останат во Кратово“, рече Љупче Џеков, голманот на кратовскиот прволигаш.
