Новата сезона во Првата женска одбојкарска лига ќе започне на 11 октомври, а ждрепката на натпреварувачките броеви ги одреди двојките за првото коло, кое носи дерби уште на самиот старт.
Актуелниот шампион Јанта Волеј КВ одбраната на титулата ќе ја започне на гостински терен во Битола, каде ќе се соочи со новиот прволигаш Пелистер Волеј.
Освојувачот на Купот на Македонија, Наковски Волеј, сезоната ќе ја отвори дома против уште еден дебитант во елитата – Газели Волеј. Финалистот од минатогодишниот плеј-оф, Работнички Скопје, пак, на премиерата ќе се сретне со амбициозната екипа на Струмица жени.
Првото коло ќе го комплетираат дуелите Ускана Волеј – Вардар ЕМ и Младост УГД – Фит Фан Волеј.
Според пропозициите, лигата ќе се игра во двокружен систем, по што првите осум екипи ќе продолжат во плеј-оф фазата. Таму се игра четвртфинале во два добиени натпревари, а потоа следуваат полуфиналињата и големото финале за титулата. Деветтопласираната екипа ќе игра бараж за опстанок со второпласираниот тим од Втората лига – жени, додека последната екипа директно се сели во понизок ранг.
ПРВА ЛИГА – ЖЕНИ, 2025/26, 1. коло:
-
Пелистер Волеј – Јанта Волеј КВ
-
Ускана Волеј – Вардар ЕМ
-
Наковски Волеј – Газели Волеј
-
Младост УГД – Фит Фан Волеј
-
Работнички Скопје – Струмица жени
