Ракометарите на Охрид в сабота ќе гостуваат во Битола каде ќе се сретнат со екипата на Еурофарм Пелистер 2 во рамките на 4. коло од Супер лигата.
Десниот бек на охридскиот тим- Давид Савревски, го најави натпреварот против незгодниот Еурофарм Пелистер 2.
„Во сабота играме против Еурофарм Пелистер 2, нашиот противник не смее да се потцени, бидејќи ќе се бори до последната минута. Ние влегуваме максимално концентрирани и мотивирани, со добра игра одиме на победа.“ – изјави Савревски.
Натпреварот ќе се игра во спортската сала „Боро Чурлевски“, и истиот е закажан од 18:00 часот.
