По натпреварот со Вардар во Скопје, ракометарите на Охрид ги очекува ново гостување. Овојпат противник ќе им биде повратнинкот во Супер Лигата- екипата на Еурофарм Пелистер 2, а натпреварот ќе се игра во сабота, во Битола.
Десното крило на охридскиот тим- Дарко Ѓукиќ, за Спортска Мрежа, го најави претстојниот предизвик на Охрид. Тој истакна дека натпреварот ќе биде тежок, против квалитетен противник и очекува голема борба на теренот.
„Мислам дека ќе биде тежок натпревар и дека треба да покажеме од самиот старт дека сме фаворити на тој меч. Еурофарм Пелистер 2 покажа дека има квалитет, и ако не влеземе 100% во натпреварот, нема да ни биде лесно. Очекуваме голема борба и се надеваме дека ќе ги однесеме двата бода во Охрид.“ – изјави Ѓукиќ.
Натпреварот е закажан в сабота, во салата „Боро Чурлевски“ и ќе започне во 18:00 часот.
