Еурофарм Пелистер вечерва ќе ја пречека екипата на ГОГ Гудме во рамки на Лигата на шампионите. Натпреварот во салата „Боро Чурлевски“ започнува во 20:45 часот, а Битола е подготвена за уште една ракометна фешта.
Пелистерци ја отворија сезоната со победа над Загреб и одлична игра против ПСЖ во Париз, што внесува голем оптимизам пред дуелот со данскиот тим. Составот на Рубен Гарабаја ќе биде комплетен – голманот Саид Хеидарирад е подготвен за настап.
ГОГ Гудме во воведните две кола претрпе порази од Барселона и ПИК Сегед, но најавува дека е решен да му создаде проблеми на македонскиот вицешампион во жешката атмосфера во Битола.
Навивачката група „Чкембари“ ќе го одбележи својот 40-ти роденден со големо шоу на улиците и трибините.
