Кожуф под водство на Иван Варадиновски е во страшна форма, откако по четири кола во Втора лига, тимот од Гевгелија го има еден од најдобрите напади со постигнати 12 погодоци и примени два погодоци, за најдобра одбрана во лигата.
Денес Кожуф на домашен терен и пред својата публика го декласираше тимот на Преспа со 7:1 со што тимот на Варадиновски продолжива да доминира во ВМФЛ.
Во изјава за Спортска Мрежа, младиот стратег истакна дека на мечот со Преспа од Ресен одиграле дисциплинирано, но и со сериозен пристап.
“Самиот резултат кажува многу, одигравме дисциплинирано и со максимално сериозен пристап од почеток до крај на натпреварот. Честитки до играчите и благодарност до навивачите”, вели Варадиновски за Спортска Мрежа.
Кожуф сезоната ја отвори со реми без голови (0:0) во Штип со Брегалница, дома го доби Новаци со 2:0, потоа следуваше убедлива победа над Саса во гости со 1:3, а денес лото победа над Преспа од 7:1.
Во следното коло тимот на Кожуф ќе игра со Охрид на “Билјанини Извори”, во меч кој секако ќе биде дерби на колото.
