Ракомет

Охрид ја декласираше Струга, шампионот Еурофарм Пелистер пресилен, Алкалоид победнички во Кавадарци

Сподели
ФОТО: Спортска Мрежа
Сподели

Второто коло во македонската ракометна Суперлига донесе вистинска спортска гозба со убедливи победи на фаворитите.

Во Битола, Еурофарм Пелистер со шампионска рутина го совлада Пролет со 36-24. Тимот на Рубен Гарабаја доминираше од првата до последната минута, ротираше со составот, а повторно имаше индивидуални блесоци. Хакбарт одигра совршено со девет гола од девет обиди, Манасков и Атанасијевиќ придодадоа по шест, додека од гостинскиот табор се истакна Палевски со седум погодоци. Единствена црна точка беше повредата на искусниот Абутовиќ.

Истовремено, на охридско-струшкото дерби кое со години будеше емоции, сега видовме само еднонасочен спектакл. Охрид го разби ослабениот тим на Струга со неверојатни 40-16, натпревар кој повеќе личеше на тренинг отколку на вистинско дерби. Цирар и Никола Ристески со по седум погодоци беа неприкосновени, а голманот Ѓорѓески собра девет интервенции. Кај стружани единствена светла точка беше Атанасовски со шест гола.

До својот прв триумф во сезоната стигна и Алкалоид, кој како гостин го совлада Тиквеш во Кавадарци со 22-24. Тимот на Кирил Лазаров ја започна силно средбата, градејќи висока предност, но домашните со голема борба успеаја да ја намалат негативата и да го направат натпреварот драматичен. Сепак, искусните скопјани со мирна завршница го одбранија водството. Дамјан Митев блесна со шест гола од шест обиди, а голманот Галевски собра десет одбрани. Кај домаќините се истакнаа Манасков, Коцев и Цветковски.


Тиквеш, иако без бодови, покажа дека знае да создаде проблеми и имаше шанси за реми, но неискористените седмерци и промашувањата во клучни моменти го чинат бодови.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Ракомет

Три победи и само еден загубен сет: Штип УГД вечерва ја брани серијата против Работнички

Штип УГД вечерва има можност да го продолжи беспрекорниот првенствен почеток. Во салата „Џексон“, од 19 часот, штипските одбојкари го пречекуваат Работнички 71&22...

Останато

Јовановски и Деспотовски на 40. Конгрес на ФИВБ во Доминиканска Република

Претседателот на Одбојкарската федерација на Македонија, Петар Јовановски, и генералниот секретар Филип Деспотовски ќе учествуваат на 40. Конгрес на Светската одбојкарска федерација (ФИВБ),...

Поврзани написи
Ракомет

Три победи и само еден загубен сет: Штип УГД вечерва ја брани серијата против Работнички

Штип УГД вечерва има можност да го продолжи беспрекорниот првенствен почеток. Во...

Ракомет

Пелистер ја врати неизвесноста во групата: по Гумерсбах, следува директен дуел со Гдањск

Победата над Гумерсбах со 29:28 ја промени европската перспектива на Еурофарм Пелистер....

Ракомет

Еден бод разлика: Алкалоид го чека Еурофарм Пелистер во Автокоманда

Алкалоид и Еурофарм Пелистер вечерва од 18 часот во салата Автокоманда ќе...

Ракомет

Станојоски: Подготвени сме за жестока борба со Радовиш, сакаме нова победа – нашата цел е директен пласман во Суперлигата!

Македонија ЃП продолжува со одличните натпревари во Првата ракометна лига, „дробилицата“ во...

✕
error: Содржина е заштитена! Се забранува копирање на истата!