Охрид го доби Езерското дерби со Струга на импресивен начин, триумфирајќи со убедливи 40-16 во второто коло од македонската ракометна Суперлига.
По мечот, чуварот на мрежата на Охрид – Даниел Ѓорѓески за Спортска Мрежа ја истакна важноста на поддршката од трибините и силната игра на тимот.
„Секогаш кога играат Охрид и Струга е дерби, без разлика на соодносот на терен, а тоа се виде и денес на трибините – една одлична атмосфера од нивните навивачи, а посебно од нашата навивачка група Рибари. Ние одигравме еден одличен натпревар, особено во одбраната, па оттука и постигнавме многу лесни голови во транзиција и со тоа ја оправдавме фаворитската улога на овој натпревар.“
Ѓорѓески со девет интервенции, и тоа сите во второто полувреме, уште еднаш покажа зошто е еден од столбовите на тимот.
Атмосферата на трибините, убедливата игра на теренот и сигурната победа уште еднаш го потврдија Охрид како сериозен претендент во новата сезона.
