Второлигашот Победа од Прилеп за предизвиците во новата сезона промовираше ново засилување се работи за Игор Ѓорѓиев – Тоти, кој во прилепскиот тим доаѓа од редовите на новиот второлигаш Слога Виница.
Ѓорѓиев минатата сезона беше еден од најдобрите стрелци во Трета лига – Исток за екипата на Слога Виница, а сега доаѓа да тресе мрежи за Победа, која во новата сезона одново ќе цели кон директен и сигурен опстанок.
26-годишниот фудбалер во минатото настапуваше и за Тиквеш, Каменица Саса, Росоман, Плачковица, Вардар Неготино, Марена, а фудбалерот од Кавадарци својата фудбалска кариера ја започна во Тиквеш.
Своето деби за Победа, Ѓорѓиев ќе го има денес на мечот против неговиот поранешен клуб Каменица Саса на домашен терен.
Екипата на Победа сезоната ја отвори со пораз во првото коло од Новаци на гостински терен.
