Конзул Транс прокнижи уште една победа на „Подареш 2025“ во меч со десет гола!

Вечерва на турнирот во мал фудбал „Подареш 2025“ беше одигран еден од три натпревари, бидејќи двата беа регистрирани со службени резултати.

Првиот меч не се одигра, Алекс Сим мечот го добива со службени 0:5 против АС МК.

Во вториот меч екипата на Конзул Транс дојде до втора победа во групната фаза на „Подареш 2025“ откако со 6:4 го доби тимот на Гринс Ресторан.

Третиот меч исто така беше регистриран со службен резултат во полза на Оливер Промет од 5:0 откако екипата на Фенербахче од Струмица одново не допатува.

Со два последователни не одиграни натпревари, организаторот го дисквалификуваше од понатамошно натпреварување тимот на Фенербахче.

Утре, петок (8 август) ќе биде слободен ден на турнирот во „Подареш 2025“, а фудбалските возбудувања продолжуваат во сабота.

Спортска Мрежа годинава по првпат е медиумски покровител на овој спортски настан.