Повратникот во Првата женска фудбалска лига, екипата на Кочани ја претстави Јана Ацковска како најново засилување.
Станува збор за фудбалерка која има солидно искуство настапувајќи за прволигашки екипи и ќе биде големо освежување во редовите на тимот кој го води Оливер Јовановски.
Ацковска доаѓа од второлигашот Слободен, а 24-годишната фудбалерка која фудбалски потекнува од екипата на Скопје, настапуваше и за Истатов и за екипата на Борец.
Ацковска во својата кариера четири пати беше шампион на Македонија со екипата на Скопје.
