Синоќа започна овогодинешното издание на меморијалниот турнир „Алмир Ибески Алмо 2025“ кој се игра во прилепското село Дебреште, а каде учество земаат 28 екипи поделени во седум групи со по четири екипи.
Првиот меч со кој беше отворен турнирот понуди дури четири погодоци со што на ефикасен начин беше отворен турнирот кога се во прашање погодоци, а на што публиката уживање.
Екипата на Пикси Бојс немаше решение за одличниот тим на Железара Бесник кој со 1:3 забележа стартна победа на турнирот во Дебреште.
Вториот меч беше многу неизвесен, вистинска драма, многу шанси, свои моменти имаа и двете екипи, но само еден гол го реши победникот, екипата на Гарден Голд со минимални 0:1 славеше над Пакос.
Третиот меч беше вистинска возбуда и донесе голема неизвесност, Братство Лисичани и Мухамед ДОО одиграа 2:2, а веднаш по завршувањето на мечот се изведуваа пенали, па екипата на Мухамед ДОО триумфираше со 2:4.
Четвртиот меч ја даде најубедливата победа откако Енотека Рома со 3:0 без проблем убедливо славеше над Јасмин Транс Лажани.
Вечерва продолжуваа возбудувањата со нови натпревари, а публиката ќе може да ужива во вистински дерби натпревари.
Спортска Мрежа и оваа година е медиумски покровител на овој спортски настан.
