Во духот на традицијата и спортот, ова лето Волино повторно ќе пулсира со адреналин и фудбалски возбудувања – започнува 27-то издание на турнирот во мал фудбал „Богородица Куп 2025“. Овој реномиран турнир кој секоја година ги собира најдобрите екипи од регионот, оваа година ќе има и посебна, емотивна димензија.
Турнирот ќе биде одржан во с. Волино, општина Дебрца, а годинашното издание ќе има меморијален карактер, посветен на прерано починатиот Крсте Илинкоски – голем љубител на спортот и долгогодишен поддржувач на турнирот и локалниот фудбалски клуб ФК Сатеска.
Во чест на неговиот придонес, награда за најдобар стрелец од оваа година ќе го носи името „Крсте Илинкоски“, како симбол на неговото спортско наследство и љубов кон фудбалот.
Турнирот нуди атрактивен награден фонд:
🥇 Прво место – 200.000 денари
🥈 Второ место – 100.000 денари
🥉 Трето место – 30.000 денари
🎖️ Четврто место – 10.000 денари
Пријавувањето на екипите е веќе започнато и трае до 6 август, а котизацијата изнесува 4.000 денари по екипа. За пријавување и повеќе информации, заинтересираните екипи може да се обратат на 075 977 961 (Никола) и 075 811 845 (Даниел).
„Богородица Куп“ и ова лето ветува силни натпревари, преполни трибини и спортски дух. Ве очекува вистински фудбалски празник во Волино – не пропуштајте!
Спортска Мрежа за првпат ќе биде медиумски покровител на овој турнир во мал фудбал, со што ќе имате можност да ги следите резултати, најдобри моменти од турнирот секоја вечер.
