Тетовскиот првак ЖФК Љуботен продолжува со засилувањата во пресрет на новата сезона. Нов член на тимот е бразилската дефанзивка Евелин Шварц, која пристигнува од португалската екипа Жил Висенте.
Евелин настапува во одбранбената позиција и важи за фудбалерка со силен дуел, одлична игра во воздух и искуство од европскиот фудбал, кое сигурно ќе биде од голема корист за тетовскиот состав. Со неа, Љуботен ја комплетира дефанзивната линија и добива дополнителна стабилност и сигурност во задниот ред.
Тимот од Тетово оваа сезона повторно има високи амбиции – одбрана на титулата во домашниот шампионат и што подобро претставување во Лигата на шампиони. Токму вакви засилувања како Евелин се дел од јасната стратегија на клубот да создаде конкурентна екипа и на домашна и на европска сцена.
