Второлигашот Каменица Саса ги започна подготовките за новата сезона 2025/2026 со првиот тренинг на градскиот стадион во Македонска Каменица.
Костурот на тимот е речиси сочуван во целост, има само две заминување – се работи за Бурим Алиев кој е нов играч на Шкендија Арачиново, како и Андреј Симевски кој е нов играч на Охрид, останатите играчи остануваат верни на клубот.
Раководството на клубот од малото рударско гратче работат на ангажман на неколку нови засилувања кои ќе треба да бидат промовирани во следниот период. Промени ќе нема ниту во стручниот штаб останува Сашо Велиновски заедно со Горан Гоцевски.
Клубот договори и неколку пријателски натпревар за проверка на формата, договорени се тестови со Шкендија Арачиново, Осогово, Слога Виница и Беласица, а се водат преговори потенцијален противник за одигрување на генералка како последен тест пред стартот на новата сезона кој е закажан за 23 август.
