ЖФК Истатов ги започна подготовките за новата сезона 2025/2026 во Првата женска фудбалска лига со првата прозивка на искусниот стратег Кирил Изов.
На фудбалскиот терен во скопско Пржино екипата се собра и со прв состанок и тренинг беше означен почетокот на летните подготовки за новата сезона.
Минатата сезона Истатов заврши 5. место и зад себе имаше одлична сезона со акцент и на развојот на младинските категории. Искусниот Изов за Спортска Мрежа потврди дека ростерот е сочуван во целост, а истиот ќе биде засилен со неколку фудбалерки, а предводникот на Истатов додава дека се задоволни од успехот од минатата сезона завршувајќи ја сезоната во топ 5.
За новата сезона Истатов ќе се вмеша во трката за висок пласман, за таа цел доаѓаат и неколку засилувања за посилна конкуренција во сопствените редови.
Договорени се и неколку пријателски натпревари преку кои ќе се проверува формата. На 31 јули Истатов ќе се тестира со Скопје, на 5 август против Каменица Саса.
Потоа на 9 и 10 август во Струга ќе се одржи турнир, каде ќе учествуваат Истатов, Скопје, Тиверија Брера и домаќинот Ас Јунајтед, а овој турнир ќе биде можност за проверка на формата пред стартот на новата сезона.
Клубот досега ги претстави Весна Милојевиќ, Ива Крстевска, Матеа Спасовска, Оља Лазовска и Мери Трајковска.
ЖФК Истатов годинава прослави 10 годни од своето постоење – клуб со голема традиција, успех, освоена шампионската титула, Куп титула и играње во квалификациите во Лигата на шампионите, наскоро емисија на Спортска Мрежа за ЖФК Истатов за целата историја на клубот.
