Екипата на Охрид која има амбиции за влез во Прва лига и официјално го промовираше 21-годишниот Иван Глигоров, кој доаѓа од штипска Брегалница.
Трансфер кој го најави Спортска Мрежа пред неколку дена, а кој сега добива на потврда од страна на клубот. Се работи за 21-годишен фудбал кој настапува на офанзивните позиции во средниот ред, тој доаѓа од редовите на
Брегалница од Штип.
Младиот и талентиран фудбалер својот фудбалски развој го калеше на интернационална сцена каде што уште на 15 години беше дел од италијанската Перуџа, а потоа се пресели во младинскиот тим на Национал од Португалија. Глигоров претставува големо засилување за екипата на Охрид Лихнидос.
Новата сезона во ВМФЛ стартува на 23 август, а Охрид сака влез во Прва лига.
