Иван Ивановски се враќа во својот поранешен клуб ГФК Тиквеш и повторно ќе го носи дресот на кавадаречкиот прволигаш. Триесет годишниот напаѓач минатата сезона настапуваше за екипата на Гостивар, каде што на 22 натпревари постигна 4 погодоци и запиша 5 асистенции.
Ивановски во текот на својата кариера настапуваше за неколку македонски клубови, меѓу кои се Тиквеш, Силекс и Гостивар, а сега повторно се враќа во Кавадарци со амбиција да му помогне на тимот во новата сезона.
Со враќањето на Иван Ивановски, ГФК Тиквеш продолжува со формирање на конкурентен состав кој ќе се обиде да ги оствари клупските амбиции во новата сезона. Клубот од Кавадарци полека го заокружува ростерот со квалитетни и искусни играчи, кои треба да ја зацврстат екипата и да донесат поголема напаѓачка моќ.
