Второлигашот Охрид гради тим со кој ќе сака да атакува на влез во Првата македонска фудбалска лига, оваа сезона само шампионот ќе има директен влез, додека пак вториот и третиот ќе играат бараж за влез во елитата.
Охрид веќе претстави неколку засилувања, за што веќе информираше Спортска Мрежа, но сега според нашите информации Охрид се засилува со уште три засилувања, се работи за Леонид Кофиловски, Димитриј Димитриевски и Иван Глигоров, а кои засилувања Охрид ќе ги промовира во следните денови.
20-годишниот Кофиловски во Охрид доаѓа од Победа и ова ќе биде негов прв трансфер со оглед на тоа дека од 2017 година тренира и го носи дресот на прилепската фудбалска гордост, а фудбалските чекори ги направи во Пандев Талент од Прилеп. Се работи за млади и талентиран фудбал во кој има огромен потенцијал, а игра како централен дефанзивец.
Димитриевски кој има 23-години во Охрид доаѓа од редовите на Брегалница, а го носеше дресот и на Кит Го од Пехчево, Македонија ЃП, а има настапувано во младинските категории на Њу Старс, Академија Нацев и Борец Јуниор од Велес.
Левото крило од Велес во Брегалница беше еден од стандардните играчи, а во сезона 2021/2022 го освои Купот на Македонија со Македонија ЃП.
21-годишниот Глигоров кој игра во офанзивните позиции во средниот ред во Охрид доаѓа исто така од Брегалница од Штип. Младиот и талентиран фудбалер својот фудбалски развојот го калеше на интернационална сцена уште на 15 години беше дел од италијанската Перуџа, а потоа се пресели во младинскиот тим на Национал во Португалија, од каде се врати во Штип настапувајќи за Брегалница.
Глигоров има настапи за младите репрезентации на Македонија до 15 и 17 години.
Претходно, како што веќе информираше Спортска Мрежа, Охрид се засили со браќата Стојан и Димитриј Попоски, голманот Дамјан Серафимов и Андреј Симовски.
