Ракометниот клуб Радовиш ја комплетираше голманската позиција за новата сезона, откако остана без досегашниот чувар на мрежата Кристијан Костадиновски, кој се пресели во прволигашот Младост Богданци.
На негово место, радовишани го ангажираа Даниел Ацев, искусен голман кој доаѓа од редовите на грчкиот второлигаш Ламиа, каде што настапуваше како прв избор и стекна свое прво меѓународно искуство.
Ацев во Радовиш доаѓа со амбиција да донесе стабилност и сигурност меѓу стативите во тимот што го формира ростерот за новата сезона во Суперлигата.
Искусниот голман во својата кариера на домашната сцена ги бранеше боите на Охрид, Бутел Скопје, Голден Арт, Вардар Неготино, Шампион и Борец, а сега ќе ја засили конкуренцијата на голманската позиција во Радовиш.
