Меѓународниот турнир во мал фудбал „Некст Левел 2025“ вчера официјално беше отворен во Охрид со свечено крстарење на брод по Охридското Езеро, каде младите фудбалски надежи од неколку држави уживаа во прекрасно дружење и спортски дух.
По отворањето, беа одиграни и првите два натпревари од генерацијата 2011 (У-14):
Караорман 1:0 ГФК Охрид
Стрелец: Климент Блажески
Ла Масиа 1:1 Македонија ЃП
Стрелци: Виктор Трајчевски / Емир Шаќир
На турнирот ќе учествуваат 15 екипи од Македонија, Србија, Црна Гора, Романија и Турција. Натпреварите се играат на терените на СРЦ „Билјанини Извори“ во Охрид.
Во генерацијата 2010 (У-15), шест екипи се поделени во две групи:
Група А:
Нуртепе (Турција)
Некст Левел (Охрид)
Струга Трим Лум (Струга)
Група Б:
Омладинац (Србија)
Јанг Тим (Струга)
Андријевица (Црна Гора)
Во генерацијата 2011 (У-14) настапуваат девет екипи, исто така поделени во две групи:
Група А:
Гирода (Романија)
Караорман (Струга)
ГФК Охрид (Охрид)
Ла Масиа (Охрид)
Македонија ЃП (Скопје)
Група Б:
Некст Левел (Охрид)
Јанг Тим (Струга)
ССК (Скопје)
Кичево (Кичево)
Спортска Мрежа и оваа година е медиумски покровител на турнирот, продолжувајќи ја успешната соработка со „Некст Левел“. Ќе ги следиме сите натпревари, ќе пренесуваме изјави, фотографии, видеа и најдобрите моменти од терените, а ќе ја покриеме и свечената церемонија на доделување на наградите.
Денес продолжуваат возбудувањата – следете нè за најновите резултати.
