Вистински фудбалски празник владее денес на спортските терени на СРЦ „Билјанини Извори“ во Охрид, каде продолжуваат натпреварите од меѓународниот турнир во мал фудбал „Некст Левел 2025“.
Со голема енергија, фер-плеј и борбеност, младите фудбалски надежи од Македонија, Србија, Црна Гора, Романија и Турција ги одмеруваат силите во категориите У-14 и У-15, носејќи радост и возбудливи моменти и за публиката и за тренерите.
Турнирот продолжува со динамично темпо, а секој натпревар носи нови херои и нови приказни од теренот.
Спортска Мрежа и годинава е медиумски покровител на настанот и ќе ги пренесува сите клучни моменти, фотографии, видеа и изјави, како и целосната церемонија на доделување на наградите.
Следете нè и останете во тек со сè што се случува на „Некст Левел 2025“ – фудбалската иднина е тука!
