Третото коло на Меморијалниот турнир во мал фудбал во Лабуништа, кој се игра во чест на Башким Салкоски, Шериф Сефиданоски и Беким Бајрамоски, продолжи вечерва со уште четири натпревари. Некои екипи ги потврдија фаворитските амбиции, додека други се простија од понатамошната фаза.
Вечерта започна со уште еден убедлив настап на Бербер Шоп Мухаммед, кој го совлада Минтас Билдинг со 6:3 и со тоа ја потврди третата победа во групата. Тимот игра со исклучителен офанзивен стил – со вкупно 27 гола на три натпревари – и влегува како еден од фаворитите за титулата.
Во вториот натпревар, Сео Пласт запиша службена победа од 3:0 над Велешта Јунајтед, кој не се појави на теренот. Со ова, Сео Пласт стигна до први бодови на турнирот.
Третиот меч донесе позитивен момент за екипата на Анима, која го совлада Бау Путз Мемишоски со 5:3 и стигна до првата победа во групната фаза. И покрај тоа, бодовниот биланс најверојатно нема да биде доволен за понатамошен пласман, но тимот се прости со високо ниво на игра.
Во последниот натпревар за вечерта, Балкан Профил уште еднаш го демонстрираше своето висококласно темпо, убедливо победувајќи ја Велиоски Градба со 10:2. Тоа беше трет триумф по ред за тимот, кој во елиминациите влегува како лидер со вкупно 20 постигнати погодоци.
Спортска Мрежа е медиумски покровител на турнирот и продолжува да известува професионално од секоја вечер во Лабуништа. Следете нè за резултати, табели и ексклузивни моменти – македонскиот спорт на едно место!
Вторник (23 јуни) ќе биде слободен ден на меморијалниот турнир во Лабуништа, од среда (24 јуни) ќе започнат осминафиналните натпревари кои ќе бидат објавени кога ќе заврши третата рунда од натпреварувањето и ќе бидат комплетирани групите.
