Турнирот во мал фудбал „Црнилиште Куп 2025“ влезе во највозбудливата фаза – осминафиналето, кое официјално започна вечерва со два драматични натпревари што понудија изедначеност, борба до последен свиреж и неизвесност од белата точка.
Во првиот меч, Роденденски Пињати и Теа Андреа одиграа нерешено 1-1 во регуларниот дел. Победникот се одлучуваше преку пенали, каде Роденденски Пињати беа посконцентрирани и славеа со 2-0, изборувајќи пласман во четвртфиналето.
Вториот дуел помеѓу FOX и Даути Градба заврши без голови (0-0), но пеналите понудија вистинска голгота. По драматична серија, Даути Градба триумфираше со 6-5 и заслужено се пласираше во четвртфиналето.
Со овие резултати, Роденденски Пињати и Даути Градба се првите четвртфиналисти на „Црнилиште Куп 2025“.
-
Пињати ќе го чекаат подобриот од пресметката Ozan Ajaz – Karishiq Bau,
-
додека Даути Градба ќе го следи исходот од Galop – Fenerbahçe, каде што ќе го добие својот четвртфинален противник.
Осминафиналето продолжува со уште поатрактивни дуели, а секој натпревар носи нова шанса за слава или елиминација.
Спортска Мрежа е медиумски покровител на „Црнилиште Куп 2025“.
