Турнирот „Петровден 2025“ во Мешеишта продолжува со жестоко темпо и одлична посета, вечерва четири нови возбудливи натпревари, полни со голови и неизвесност. Јубилејното 50-то издание сè повеќе го оправдува епитетот на најсилен летен турнир во земјава.
Аце Најдески сигурен против Брумел за висока победа од 1:4, Гостилница Кај Мече ја доби голеадата со Мексико во меч со 11 погодоци за конечни 7:4. Гранит Х одново моќен со убедливи 7:1 против Фурна Настоски и Форт Кафе, а пак екипата на Др. Баткоски и Ескобар Волино одиграа израмнет и борбен дуел за конечни 1:1.
Голгетерска вечер која ги воодушеви љубителите на фудбалот во Мешеишта, а Гранит Х сè поуверливо чекори кон елиминациите со нова убедлива победа. Гостилница кај Мече покажа карактер во динамичен меч против Мексико, додека Аце Најдески рутински ги освои новите три бода.
- Распоред за понеделник, 23 јуни:
20:30 | АСП Пак – Чардак Велгошти
21:30 | Компани Стојкоски – Ночелино
22:30 | Инитали – Блу Фиш
Турнирот влегува во клучна фаза од групната фаза – секој бод е важен, а секој меч може да биде пресуден. Публиката во Мешеишта продолжува да живее со турнирот, а Спортска Мрежа продолжува да известува со резултати, извештаи.
