Кошаркарите на ТФТ Скопје обезбедија четврти натпревар во финалната серија од плејофот на македонскиот шампионат, откако вчера на домашен терен го совладаа актуелниот првак МЗТ Скопје Аеродром со 63-58. Со овој триумф, ТФТ ја намали предноста на МЗТ на 2-1 во серијата што се игра до три победи.
По двата пораза на гостински терен во воведните дуели, ТФТ силно тргна во третиот меч и на полувреме обезбеди убедлива предност од 42-23. Сепак, шампионот не се предаде – МЗТ одигра одлична трета четвртина со резултат 29-10 и ја врати неизвесноста во натпреварот.
Финишот понуди голема драма, но кошаркарите на ТФТ беа посконцентрирани во клучните моменти и успеаа да ја задржат предноста, спречувајќи ја шампионската прослава на МЗТ барем за неколку дена.
Најефикасни во тимот на ТФТ беа Браун со 20 поени и Ташовски со 17, додека кај МЗТ се истакна Едвин со 19 поени.
Четвртиот натпревар од финалната серија се игра во Понеделник, повторно во Скопје, со ТФТ како домаќин и со нова шанса да израмни на 2-2.
Виолета Јанчева, Спортска Мрежа
