Полуфиналните натпревари од Општинската фудбалска лига – Битола ќе се одиграат на фудбалскиот терен во Црнобуки, кој е во одлична состојба и нуди извонредни услови за игра. Овие натпревари ќе одлучат кој ќе стане шампион на ОФЛ Битола и ќе обезбеди пласман во Третата лига – Југозапад.
Малото село Црнобуки има богата фудбалска традиција, а до неодамна тука беше активен и еден од најдобро организираните клубови во Третата лига – Југозапад, ФК Црно Буки.
Теренот во селото е еден од најдобрите во Пелагонија и пошироко, и редовно се одржува на високо ниво. Во Црнобуки се одржува и Меморијалниот турнир „Трофеј Трајан Куља“, преку кој продолжува да живее фудбалскиот дух. Тоа е и единствениот турнир за млади категории кој е целосно бесплатен.
Во полуфиналето на ОФЛ Битола, како што претходно информираше „Спортска Мрежа“, ќе се соочат:
-
Победа Ивањевци против Могила – натпреварот започнува во 17:00 часот.
-
Лисолај против Крошу Спорт – натпреварот започнува во 15:00 часот.
