Општинскиот фудбалски сојуз (ОФС) Струмица објави јавен повик за пријавување на нови фудбалски судии. Повикот е отворен за сите заинтересирани млади лица кои имаат желба да бидат дел од фудбалот од друга, подеднакво важна перспектива – онаа на арбитрите на теренот.
Од ОФС Струмица информираат дека не е потребно претходно судиско искуство, бидејќи сите пријавени кандидати ќе добијат соодветна обука, стручна поддршка и можност за напредување во рамки на официјалниот судиски систем во македонскиот фудбал.
Пријавувањето се врши директно преку контакт со ОФС Струмица на следните телефони: 071 399 659 и 071 234 414, како и преку електронска пошта на адресата: ofs.strumica@hotmail.com.
Со овој потег, ОФС Струмица продолжува со заложбите за развој на фудбалот во регионот, создавајќи нова генерација судии кои ќе бидат дел од официјалните натпревари и натпреварувачки структури низ сите категории. Како што веќе информираше Спортска Мрежа, ОФС Струмица за следната натпреварувачка сезона ја активира и Општинската фудбалска лига во Струмица, па така по пауза од неколку сезони се враќа фудбалот во струмичко на голема врата.
