Со убедлива победа од 9:2 на СЕЕ Университи над последнопласираниот Карадаку беше отворено 22. коло на Втората футсал лига на Македонија.
Без проблем тетовскиот тим дојде до голема победа, а целиот меч беше решен само во првите 20 минути кога резултатот беше 8:1. Мора да се истакна и фактот што гостинот имаше слаба ротација со два играчи, додека пак домашниот тим имаше поголема клупа за ротација од шест играчи и тоа беше уште еден пресуден момент за овој голем резултат.
За домашниот тим хет-трик постигна Гезим Азизи, а по еден гол постигнаа Самир Рамадани, Ермал Љиворека, Хисен Мемеди, Зеќирија Османи и Адис Фетаи.
За гостинот во првото полувреме погоди Омер Саќип, а во второто полувреме Шуајб Шукрија беше стрелец на вториот гол.
Денес во Студеничани ќе се соочат Каршиака и Кратово, утре се игра дербито меѓу Овче Поле и Балкан, а пак ССК Скопје го чека фаворитот Мал Ајакс. Колото ќе се комплетира во понеделник во Ресен со мечот меѓу Конзули и Кораб.
Во рамки на ова коло слободно ќе биде екипата на Партизан Југ од Брвеница.
