Фудбалерите на Вардар Неготино јавно го изразија своето незадоволство поради неисплатени плати. Преку соопштение, тие побараа прием кај градоначалникот на општина Неготино, Горан Стојанов, со цел да разговараат за актуелната состојба во клубот.
Како што дознава Спортска Мрежа, денеска не се одржал тренинг. На фотографијата објавена од навивачката група „Винари“, се присутни сите играчи, заедно со шефот на стручниот штаб Горан Тодорчев, а со нив беше и кондициониот тренер Горан Стојановски.
„Ние играчите на ГФК Вардар Неготино изразуваме револт поради неисплатени плати и го замолуваме јавно градоначалникот на општина Неготино, Горан Стојанов на прием во понеделник за дискусија. Со овој повик сакаме да биде запозната јавноста во Неготино околу ситуација во клубот. Ние како група која е секогаш тука за клубот и градот ги подржува фудбалерите и бара одговорност“, се вели во соопштението кое беше објавено на профилот на „Винари Неготино“.
Екипата на Вардар Неготино веќе го обезбеди опстанокот во Втората лига, но сега се соочува со нов предизвик – исплата на заостанатите плати.
Утре, во рамки на 27. коло од Втората лига, Вардар Неготино ќе гостува кај Каменица Саса во Македонска Каменица. Натпреварот започнува во 16:00 часот.
