Некогашниот прволигаш Ренова во меч со девет гола триумфираше над Влазерими во Кичево со резултат од 4:5.
Стрелци за домашниот тим беа Јонузи, Зендели и Ибраими во првиот дел, а во второто полувреме гол даде Ајдини. Кај „гипсарите“ двојни стрелци беа Ерзен Ходаи и Ери Абдулахи, а еден гол постигна Мартин Стојаноски.
Екс прволигашот Напредок од Кичево со 1:2 преку пресврт го доби Зајази во гости. Во првиот дел мрежите мируваа и на двете страни. Во второто полувреме Агон Хашими во 75. минута погоди за 1:0, но во 79. минута Младен Котевски погоди за 1:1, а во 84. минута Никола Калевски за конечни 1:2.
Екипата на Љуботен преку пресврт дојде до победа над Велазерими од Слатино со резултат од 1:2 на теренот во Теарце. Домаќинот имаше водство до 1:0 на полувреме преку Елмази, а во вториот дел Билбилоск и Костадиновски беа прецизни за 1:2.
Речица го доби Камјани на домашен терен со резултат од 3:2, преку головите на Зибери, Иљази и Бафтири, а пак за гостинот двапати погоди Берзати.
Како што веќе вчера информираше Спортска Мрежа, Џепчишти го доби Доброшти со 6:3, а Тетекс со 7:2 славеше над Вардар Брвеница, извештајот за овие натпревари е достапен овде.
