Немаше ниту „Д“ од дерби лидерот Големо Коњари со убедливи 4:0 триумфираше над Башкими 2008 и е се поблиску да стане шампион во Трета лига – Југ и со тоа да игра бараж за можен влез во Втора лига.
Во рамки на 23. коло на Трета лига – Југ екипата на Големото Коњари до големата победа стигна преку Беким Алимоски и Кире Наумоски кои погодија за 2:0 на полувреме, а во вториот дел стрелаа Христијан Кукески и Ерџан Ибраимоски.
Превалец забележа победа од 1:3 над некогашниот второлигаш Росоман на гостински терен. Алекснадар Јордановски постигна гол за 0:1 на пилувреме.
Во вториот дел Слободан Дуков погоди за 1:1 во 55. минута, а до крајот Ангел Гаштев и Димче Ставревски постигнаа погодоци за конечн 1:3.
Слога и Ултрас ги поделија бодовите откако во Лажани одиграа 3:3. За домашниот тим стрелци беа Нермин Каришик во првиот дел и Емир Каришиќ и Фатон Ибраими во вториот дел. За гостинот погодија Игор Паноски и Славчо Стојчески во првото полувреме, а во вторито дел стрелец беше Христијан Баракоски.
Дреново дојде до домашна победа над Влазними Јуниор со резултат од 3:2 откако Берхан Мемедов беше стрелец за домашниот тим, а двапати погоди Армен Мемедов, а пак за гостинот Мемедоски и Фејзуловски беа стрелци.
Венец преку Мартин Цветков и Петар Ристовски дојде до победа на домашен терен од 2:0 над екипата на Бучин.
