Екипата на Тиквеш ги освои трите бодови во дербито за опстанок со Брера Струмица, откако во денешното 28. коло на Прва лига триумфираше со 2:1 и со тоа се разгорува битката за опстанок во елитата.
Домашниот тим преку Кристијан Стојкоски во 26. минута дојде до 1:0 на полувреме. Во вториот дел Арби Воша во 85. минута зголеми на 2:0, а во судиското надополнување Фодеи Травали ги постави конечните 2:1.
Шкендија преку пресврт дојде до триумф над Беса во Гостивар со 2:3 и така ја продолжува борбата и се чекор поблиску до титулата. Ремзифаик Селмани во 13. минута постигна гол за 1:0, а десет минути подоцна Бесарт Ибраими израмни на 1:1. Пред крајот на првиот дел Тамба Фабрице погоди за пресврт и 1:1 на полувреме.
Во вториот дел Беса преку втор гол на Селмани дојде до ново израмнување на 2:2, а во 80. минута Зија Мерџани погоди за три бодови и победа од конечни 2:3.
Силекс преку пресврт славеше на Чаир над Шкупи со 1:2. Домашниот тим имаше 1:0 на полувреме со голот на Клемент Ансах кој погоди во 32. минута. Во вториот дел Марко Ѓорѓиевски постигна гол во 61. минута за 1:1, а седум минути подоцна Ади Алиќ ги постави конечните 1:2.
Струга Трим Лум и Гостивар ги поделија бодовите откако ремизираа покрај езерото играјќи 1:1. Гостинот преку Антонио Каланоски во 50. минута дојде до 0:1, а во 85. минута Кехинде ги постави конечните 1:1.
Работнички преку пресврт со двата гола на Гандо го доби Пелистер со 2:1 на домашен терен. За гостинот од Битола во првиот дел погоди Мирко Ивановски.
Натпреварот во Охрид меѓу Воска Спорт и Вардар не се доигра, откако во 76. минута при резултат од 1:1 домашниот тим се повлече од игра, а причината беше голот на Вардар и судиската арбитража, за што ќе објавиме нов прилог каде ќе го пренесеме соопштението на Воска Спорт и видеото од голот на Вардар и моментот кога Воска се одлучи да го напушти теренот.
- ГОЛОТ НА ВАРДАР И НАПУШТАЊЕТО НА ТЕРЕНОТ ОД СТРАНА НА ВОСКА СПОРТ:
Воска Спорт поведе во 18. минута преку Осеи Клинтон, а во вториот дел Филип Дурански во 70. минута го постигна голот кој за Воска Спорт е спорен.
