Натпреварот меѓу Воска Спорт и Вардар не се доигра откако домашниот тим одлучи да се повлече во 76. минута при резултат од 1:1 и со тоа натпреварот не продолжи.
Воска Спорт преку Осеи Клинтон во 18. минута повеќе со 1:0, а Вардар преку Филип Дураноски израмни во 70. минута. Сепак, домашните беа револтирани од голот и негодуваа дека е гол, па по неколку минути игра играчие на Воска Спорт се повлекоа од теренот.
Судиската тројка од Стојанче Стојанов од Штип кој беше главен судија и неговите помошници Александар Ѓорѓески од Тетово како прв помошник и Мартин Петкоски од Куманово како втор помошник останаа на теренот и чекаа уште петнаесетина минути, но капитенот и претстаник на домашниот тим известил дека нема да го продолжат натпреварот.
- ГОЛОТ НА ВАРДАР, КОЈ ЗА ВОСКА СПОРТ Е СПОРЕН И МОМЕНТОТ КОГА ВОСКА СЕ ОДЛУЧИ ДА НЕ ПРОДОЛЖИ ДА ИГРА:
Воска Спорт излезе и со соопштение веднаш после натпреварот, во прилог целосното соопштение на прволигашот од Охрид.
„ФК Воска Спорт го изразува свој револт, информирајќи ја Фудбалската федерација на Македонија (ФФМ) за спорните одлуки на судиите на последниот натпревар што се одигра меѓу нашиот тим и Вардар.
Од првата минута на натпреварот, нашите играчи не беа еднакви на теренот со противничките играчи поради низа неправедни судиски одлуки, кои значително влијаеја на текот на играта и на резултатот од натпреварот. Судиите постојано носеа спорни одлуки, што доведе не само до нефер игра, туку и до серија неоправдани опомени и казни за нашите играчи.
За жал, поради овие сериозни неправди, во 76-та минута нашиот тим беше принуден да се повлече од игра. Веруваме дека тоа беше единствената можна одлука за заштита на правата на нашите играчи и за спречување на понатамошно нарушување на спортскиот интегритет.
Во таа насока, бараме од ФФМ да ги разгледа спорните одлуки на судиите и да преземе мерки за да се спречат вакви ситуации во иднина. Се надеваме дека ќе биде спроведена детална истрага за судиските одлуки и ќе се обезбеди фер и еднаква игра за сите екипи.
Во исчекување на вашата реакција и понатамошни насоки, ви благодариме за разбирањето.
Со почит,
Воска Спорт“
Капитенот и претставник од домашната екипа известиле дека нема да го продолжат натпреварот.
„Натпревар организиран по Правила и пропозиции на ФФМ. Домашната екипа во 76 минута го напушти теренот, судиската тројка и гостинската екипа останаа на теренот и по чекање од петнаесетина минути, капитенот и преставникот од домашната екипа не извести дека нема да го продолжат натпреварот“, се вели во делот за примедби од делегатот на записникот.
Повеќе од извесно е дека натпреварот ќе биде регистиран со службени 0:3 за Вардар, еве што вели членот 86 од Правилникот за натпреварување на Фудбалската федерација на Македонија.
„Доколку екипата или дел од екипата направила прекин на натпреварот напуштајќи го теренот а натпреварот од тие причини не можел да продолжи органот кој го води натпреварувањето ќе донесе одлука со која натпреварот ќе се регистрира со службен резултат 3:0 во корист на противничката екипа доколку до прекинот не е постигнат подобар резултат за противничката екипа.“
Овој гол е чист пример зошто е потребна ВАР-технологијата, а која се најавуа дека ќе се имплементира за следната сезона.
