Во рамки на 4.коло од плеј-оф фазата од ракометната Супер лига, ракометарите на Охрид, на домашен терен ќе се соочат со ракометарите на Алкалоид од Скопје. Овие екипи веќе многу добро се познаваат и според тоа, се очекува возбудлив и жесток натпревар- вистинско дерби за уживање.
Младинскиот бразилски репрезентативец, Де Соуза Мораис Кајо Винициус, од таборот на Охрид, за Спортска Мрежа го најави утрешниот натпревар. Според него, домашниот терен им е предност и вели дека ќе се борат за уште една победа во плеј-оф фазата.
,,Ќе играме на домашен терен, што значи дека дефинитивно ќе се бориме за уште една победа во плеј-оф фазата. Утрешниот натпревар ќе биде многу борбен, сѐ до последната секунда! Ние сметаме на поддршката од нашите верни навивачи во среда, за овој важен натпревар‘’, рече десниот бек на Охрид.
Натпреварот се игра утре, во 18 часот во салата ,, Билјанини Извори’’.
