Лидерот во Втората женска фудбалска лига, екипата на Кочани со убедливи 0:5 славеше против дебитантот Слободен на гостински терен во рамки на 12. коло.
Разликата во квалитет е голема и повеќе од сигурно беше дека Кочани ќе триумфира, но во секој случај за младиот тим на Слободен кој по првпат се натпреварува во сениорска конкуренција односно во ВЖФЛ е одличен резултатот против тим каков што е Кочани.
Ангела Стојковска постигна гол во 8. минута за отварање на резултатот, а потоа поранешната репрезентативка Афродита Салихи постигна да брзи гола во четири минути односно во 32. минута за 0:2, а во 36. минута за 0:3 на полувреме.
Во вториот дел Салихи постигна уште еден гол за 0:4 во 51. минута, а конечните 0:5 ги постави Симона Веселинова во 57. минута.
Колото ќе се комплетира денес. Во Велес соочување на Борец и Плачковица, во Македонски Брод домаќинот Порече ќе игра со Вардар, а пак Победа Валандово дома ќе игра со Билјанини Извори.
