Инцидент на натпреварот во Волино меѓу Сатеска и лидерот Преспа од Ресен. Натпреварот заврши без победник со поделба на бодовите (1:1), а двата погодоци беа постигнати од пенал.
Меѓутоа, како што е наведено во делот за примедби на делегатот на самиот записник од натпреварот, се случил инцидент за кој ќе следува и дополнителен извештај.
„По завршувањето на натпреварот настана мешаница, по што играчот со број 9 на домашната екипа и играчот со број 8 од гостинската екипа делеѓи се да нема проблеми, се засопнаа и паднаа на земјата. На теренот за време на турканицата влегоа повеќе лица кои не беа во записник, при што еден од нив со нога го удри играчот со број 8 од гостинската екипа во пределот на главата, при што изгуби свест при што од страна на докторот беше повикана брза помош. Следува дополнителен извештај“, се вели записникот во делот за примедби на делегатот.
Останува да видиме како понатаму ќе реагираат надлежните тела при Трета лига – Југозапад.
