Денес се комплетираше 10. коло на Втората женска фудбалска лига, со трите одложени натпревари поради големата трагедија во Кочани.

Колото беше отворено на 15 март кога Вардар со 0:8 го декласираше дебитантот Слободен, а денес беа одиграни останатите три меча. Натпреварот во Радовиш започна со минута молк во чест на трагично загинатите 59 лица во големата трагедија во Кочани.

Во Радовиш лидерот Кочани однесе висока победа од 0:8 над Плачковица, во меч каде фаворитот сосема очекувано беше дека ќе дојде до победа поради големата разлика во квалитет. Во првиот дел беа постигнати шест погодоци за 0:6 по првите 45 минути, откако хет-трик постигна искусната поранешна репрезентативка Афродита Салихи, а по еден гол во првиот дел постигнаа и Ангела Стојковска и Лина Мицовска.
На почетокот од вториот дел од натпреварот во Радовиш, започнаа обилни врнежи од дожд.
- АТМОСФЕРА ОД НАТПРЕВАРОТ МЕЃУ ПЛАЧКОВИЦА – КОЧАНИ:
Во вториот дел гостинот постигна уште три гола, откако Нина Манасиевска погоди за 0:4, а потоа Андреа Донева и Џенита Кицара постигнаа погодоци за 0:6.
Кочани и натаму е лидер на табелата, но и прв фаворит за враќање во Првата женска фудбалска лига, а битката за баражот ќе ја продолжат Вардар и Билјанини Извори од Охрид.

Порече ја оправдата фаворитската улога откако со високи 6:0 го совлада тимот на Победа Валандово. Натпреварот кој се играше во Македонски Брод беше решен во првиот дел откако на полувреме резултатот беше 4:0.
Капитенката на домашниот тим Јована Блажеска Ѓорѓиоска постигна хет-трик,а во првиот дел погоди и Ангела Наумоска, која пак во вториот дел постигна уше еден гол, а во второто полувреме гол постигна и Маријана Цветкоска.

Највисока победа однесе екипата на Билјанини Извори откако на гостување во Велес со превисоки 0:11 го декласираше Борец. Повеќе од јасно беше дека екипата на Билјанини Извори ќе забележи висока победа и дека трите бодови ќе заминат во Охрид.
Ева Андонова постигна пет гола за тимот од Охрид, хет-трик за Викторија Спасоска, два гола постигна Марија Јучловска, а пак еден гол постигна Стефанија Ристова.
- ЦЕЛА ТАБЕЛА ВО ВТОРА ЖЕНСКА ФУДБАЛСКА ЛИГА:
Поз. | Клуб | ОН | Поб | Н | Пор | ПОС | ПРИ | ГР | БОД |
---|---|---|---|---|---|---|---|---|---|
1 | ЖФК КОЧАНИ | 10 | 9 | 1 | 0 | 74 | 7 | +67 | 28 |
2 | ЖФК Вардар 2023 | 10 | 8 | 1 | 1 | 67 | 6 | +61 | 25 |
3 | ЖФК БИЛЈАНИНИ ИЗВОРИ 2010 | 10 | 7 | 1 | 2 | 57 | 13 | +44 | 22 |
4 | ЖФК ПЛАЧКОВИЦА | 10 | 4 | 1 | 5 | 26 | 26 | 0 | 13 |
5 | ЖФК ПОРЕЧЕ 2015 | 10 | 4 | 1 | 5 | 22 | 27 | -5 | 13 |
6 | ЖФК ПОБЕДА ВАЛАНДОВО 16 | 10 | 1 | 3 | 6 | 7 | 59 | -52 | 6 |
7 | ФК Слободен/ЖФК | 10 | 0 | 3 | 7 | 5 | 57 | -52 | 3 |
8 | ЖФК БОРЕЦ(-3) | 10 | 1 | 1 | 8 | 8 | 71 | -63 | 1 |