Третолигашот Шкендија Арачиново на вчерашниот меч од 17. коло на Трета лига – Север на теренот излезе со црни маички посветени на големата трагедија која се случи во Кочани, каде животот го страотниот пораж во дискотеката го загубија 59 лица.
Клубот од Арачиново ќе ги донира сите собрани средства од вчерашниот натпревар на настраданите од големата трагедија. Натпреварот започна со минута молк со што им се оддаде почит на сите 59 трагично загинати.
Како што веќе информираше Спортска Мрежа, екипата на Шкендија Арачиново со убедливи 6:0 го декласираше тимот на Пчиња и ја продолжува победничката серија со што лидерот од Арачиново е веќе патник во баражот за Втора лига.
