Алкалоид денес го одигра првиот четвртфинален натпревар против Баја Маре во Романија, каде во финишот испушти победа откако ремизираше играјќи 31:31.
Натпреварот започна со едноминутно молчење, а ракометарите настапија со црни траки во знак на почит кон загинатите во големата трагедија која се случи во Кочани.
Во првиот дел се играше гол за гол, а домашниот тим во еден момент дојде до плус три при 9:6, а потоа и до плус четири во два наврати и на полувреме имаше 19:15.
Во вториот дел од мечот Алкалоид беше подобар и го сврте резултатот кога на полувреме дојде до плус три при 24:27, а потоа романскиот тим и израмни на 29:29 и тоа понуди неизвесен финиш од мечот. Тимот на Кирил Лазаров имаше плус дв при 29:31, а во завршните мигови од средбата Баја Маре израмни на конечни 31:31.
На овој натпревар Алкалоид беше без најдобриот играч Марко Митев, кој се повреди и тоа беше голем хендикеп за тимот од Автокоманда.
Најдобри кај Баје Мара беа Наѓ, Дахлин, Козакевич, Бурзак, Поп и Кумпаничи со по четири гола, а пак кај Алкалоид се истакнаа Петковски и Серафимов со по седум гола.
Реваншот од меѓу Алкалоид и Баја Маре се игра во салата во Автокоманда на 30 март. Инаку, Алкалоид е единствениот тим од Македонија кој има европска пролет.
