Третолигашот Тиверија од Струмица продолжува со активностите за подобрување на условите на теренот со вештачка трева „Филип Лазаревски“.
ФК Тиверија на својот терен ги санираше делегатската и двете кабини за резервни фудбалери кои беа во лоша состобја.
„Продолжуваме со активности и во наредниот период кој следи се со цел да ги подобриме условите на игралиштето за сите корисници на истото“, велат од клубот.
Кабината на делегатот и двете за резервни играчи беа оштетени, искршени, но сега клубот кој го доби овој терен како свој дом истите ги санираше, а во иднина од клубот најавуваат продолжување на овие активности со цел теренот да биде во одлична состојба како тренирање, така и за играње на натпревари.
Претходно, исто така ФК Тиверија организираше вакви акции со цел санација на теренот и овозможување значително подобри услови на самиот терен, беа санирани оштетените делови од мрежата околу теренот, беше исчистен целиот терен и просторот кај трибината.
Инаку, минатата година на 15. ноември беше донесе одлука од страна на Советот на општина Струмица за давање на трајно користење на теренот со вештачка трева „Филип Лазаревски“ на фудбалскиот клуб Тиверија од Струмица, со што за клубот тоа е историски момент бидејќи клубот опстојува повеќе од 100 години и конечно доби свој фудбалски терен.
Екипата на Тиверија настапува во Трета лига – Исток, а во сабота (29. март) на овој терен како домаќин ќе се соочи со лидерот Слога од Виница.
