Само три натпревари беа одиграни од шест во Втората футсал лига, откако останати беа одложени односно не беа одиграни поради големата трагедија која се случи Кочани, каде во пожар кој се случи во дискотека животот го загубија 59 лица.
Балкан со убедливи 6:2 го доби лидерот Мал Ајакс од Штип, со што екипата на Балкан забележува важна победа на патот кон Првата лига.
Јусуф Сулејмани постигна три гола за Балкан, а по еден гол постигнаа Пајтим Реџепи, Ерол Далип и Џељал Мјаку, додека шак за штипскиот тим стрелци беа Иса Дурмишов и Теодор Нанков кој беше двоен стрелец.
Кратово со убедливи 8:0 го декласираше тимот на Партизан Југ од Брвеница во спортскат сала „Софија Петровска“ во Пробиштип.
Двојни стрелци за кратовскиот тим беа Димитар Стојановски, Христијан Атанасов и Горан Арсовски, додека пак Кевин Јакимов и Давид Стојановски беа стрелци на по еден гол.
СЕЕ Университи на домашен терен однесе убедлиа победа од 10:4 над ССК Скопје. По два гола за домашниот тим за убедлива победа постигнаа Гезим Азизи, Едис Муртезани и Ермал Љиворека, додека пак по едне гол постигнаа Амин Шаќири, Адис Фетаи, Зеќирија Османи и Агон Хашими.
За гостинскиот тим двапати погоди Спасе Здравевски, а по еден гол постигнаа Илија Алексовски и Дамјан Ѓуроски.
