Сите натпревари од 11-тата рунда на Третата фудбалска лига – Исток, кои ќе се одиграат оваа недела, ќе започнат со едноминутно молчење во чест на поранешниот фудбалер на Карбинци, Мартин Ташов, кој трагично загина во сообраќајна несреќа пред три дена.
Ташов беше дел од екипата на Карбинци во два наврати, првиот пат дресот на овој тим го носеше во период од август 2020 до јануари 2022 година, а претходно од август 2015 до февруари 2016 година. Пред тоа, настапуваше за Кежовица и во два наврати за Балкан.
Неговиот последен официјален натпревар го одигра на 18. април 2021 година, во рамки на 16. коло од сезона 2020/2021 на Третата лига – Исток, кога Карбинци ја победи Тиверија со 0:3 на гостински терен во Струмица.
Натпреварите од 11. коло ќе започнат во 15 часот.
