Футсал репрезентацијата на Македонија претрпе уште еден пораз во квалификациие за Европското првенство, откако загуби од Андора на гостински терен со 2:1.
Во првиот дел немаше погодоци, а Андора резултатот го отвори во 36. минута за 1:0 преку Регало, откако истиот играч во 34. минута не реализираше пенал. Не требаше многу, само една минута подоцна Тодоровски постигна гол за 1:1. Но, Андора веднаш ја врати предноста на конечните 2:1, откако Блат погоди за победа на Андора.
Македонија квалификациите за Европското првенстви ги заврши на последното место во групата со еден бод од ремито против Анора во Скопје и пет порази.
Во нашата група на врвот е Португалија со шест од шест и максимални 18 бодови, втора е Холандија со осум бодови, Андора заврши на третото место со шест бодови и Македонија како последна со еден бод.
