Викендот беа одирани три натпревари од 16. коло на Првата женска фудбалска лига, а истото ќе се комплетира на 19. март со натпреварот меѓу Скопје и Каменица Саса.
Шампионот Љуботен беше убедлив против екипата на Истатов со резултат од 7:0, каде новото засилување Тања Малесија беше двоен стрелец, а по еден гол постигнаа Александра Марковска, Елена Симјановска, голгетерката Хава Мустафа и Ангелија Јованоска, додека пак Севим Илјаз во 83. минута си постигна автогол.
Екипата на Атлетико на домашен терен со 2:0 дојде до триумф против Речица, а двата погодоци за битолскиот тим ги постигнаа Сара СЛободанка Димитриоска и Мелица Милица Димитриоска во првиот дел од мечот кој се играше на „Павел Шатев“ во Битола.
Екипата на Ас Јунајтед на домашен терен беше проазена од Топ Гол со 1:2. По само три минути игра битолскиот тим преку Ивана Милевска дојде до водство од 0:1, а веќе во седмата минута стружанки преку Веса Села израмнија на 1:1.
Во вториот дел Анастасиа Илиевска беше херој за битолскиот тим кога погоди за конечни 1:2 со што трите бодови заминаа во Битола.
Во рамки на ова 16. коло слбоодна беше екипата на Тиверија Брера.
- ЦЕЛА ТАБЕЛА ОД ПРВАТА ЖЕНСКА ФУДБАЛСКА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК ТИВЕРИЈА БРЕРА АД | 14 | 12 | 2 | 0 | 69 | 6 | +63 | 38 |
| 2 | ЖФК ЉУБОТЕН | 14 | 12 | 1 | 1 | 62 | 9 | +53 | 37 |
| 3 | ЖФК КАМЕНИЦА САСА | 14 | 11 | 1 | 2 | 46 | 10 | +36 | 34 |
| 4 | ЖФК СКОПЈЕ 2014 | 13 | 8 | 0 | 5 | 27 | 17 | +10 | 24 |
| 5 | ЖФК СЦ ИСТАТОВ 2015 Скопје | 14 | 5 | 2 | 7 | 19 | 39 | -20 | 17 |
| 6 | ФК АТЛЕТИКО/ЖФК | 14 | 3 | 2 | 9 | 13 | 31 | -18 | 11 |
| 7 | ФК ТОП ГОЛ/ЖФК | 14 | 3 | 2 | 9 | 13 | 36 | -23 | 11 |
| 8 | ФК АСС УНИТЕД/ЖФК | 14 | 2 | 0 | 12 | 21 | 44 | -23 | 6 |
| 9 | ЖФК РЕЧИЦА | 15 | 2 | 0 | 13 | 12 | 90 | -78 | 6 |
| 10 | ЖФК ШКЕНДИЈА Тетово(-3) | 0 | 0 | 0 | 0 | 0 | -3 | 0 |
