Билјанини Извори сосема очекувано забележа висока и убедлива победа од 7:0 против радовишка Плачкоица, во меч каде охридскиот тим беше голем фаворит.
Марија Јуловска беше стрелец на два гола за 2:0 на полувреме. Во вториот дел по еден гол постигнаа Викторија Стојаноска која стрелаше против својот поранешен клуб, Стефанија Ристова, голеадата ја продолжи Анастасија Јанческа, Марија Бојкова која исто така погоди против својот поранешен клуб и Ева Андова која ги постави конечните 7:0.
Победа Валандово во финишот се спаси од пораз, а пак дебитантот Слободен беше блиску да запише прво сезонско славје како дебитант во Втората лига.
По мирните мрежи во првиот дел, во второто полуреме Нина Алексовска во 68. минута постигна гол за 0:1, а во 82. минута Катерија Трајкова ги постави конечните 1:1.
Лидерот Кочани со 2:0 забележа победа над Порече од Македонски Брод, а двата погодоци ги постигна домашниот тим во првиот дел. Ива Салтирова во 12. минута постигна гол за 1:0, а во 42. минута Јована Велкова ги постави конечните 2:0.
Претходно, како што информираше Спортска Мрежа екипата на Вардар со 9:0 го декласираше Борец.
- ЦЕЛА ТАБЕЛА ОД ВТОРАТА ЖЕНСКА ФУДБАЛСКА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК КОЧАНИ | 9 | 8 | 1 | 0 | 66 | 7 | +59 | 25 |
| 2 | ЖФК Вардар 2023 | 9 | 7 | 1 | 1 | 59 | 6 | +53 | 22 |
| 3 | ЖФК БИЛЈАНИНИ ИЗВОРИ 2010 | 9 | 6 | 1 | 2 | 46 | 13 | +33 | 19 |
| 4 | ЖФК ПЛАЧКОВИЦА | 9 | 4 | 1 | 4 | 26 | 18 | +8 | 13 |
| 5 | ЖФК ПОРЕЧЕ 2015 | 9 | 3 | 1 | 5 | 16 | 27 | -11 | 10 |
| 6 | ЖФК ПОБЕДА ВАЛАНДОВО 16 | 9 | 1 | 3 | 5 | 7 | 53 | -46 | 6 |
| 7 | ФК Слободен/ЖФК | 9 | 0 | 3 | 6 | 5 | 49 | -44 | 3 |
| 8 | ЖФК БОРЕЦ(-3) | 9 | 1 | 1 | 7 | 8 | 60 | -52 | 1 |
