Изненадување во Прилеп во рамки на 15. коло каде Победа која е при самото дно ремизираше со Балкан во меч со 20 гола за 10:10.
Ова е големо изненадување со голед на тоа што Балкан беше голем фаворит на овој меч, тим кој значително се засили и сака да обезбеди место во Првата футсал лига се „сопна“ во Прилеп.
За домашниот тим три гола постигна Кристи Крајоски, по да гола постигнаа Стефан Спиркоски и Нермин Каришик, а по еден гол Никола Трајкоски, Горна Миновски и Стефан Наскоски, додека пак за гостинот по два гола постигнаа Пајтим Реџепи, Фестим Балиќи и Кадир Амза, а по еден гол постигнаа Иса Зекири, Ибрахим Алији и Ерол Далип, а пак Стефан Спиркоски си постигна автогол.
Кораб со 5:1 го декласираше Кратово во меч каде Ервин Елезоски беше стрелец на три гола, а по еден гол постигнаа Октај Беќири и Дарко Блажевски, а за гостинот гол постигна Христијан Атанасов.
Лидерот Мал Ајакс со 11:3 го декласираше Карадаку во меч каде Иса Дурмиов постигна шест гола, два постигна Теодор Наков, а по еден гол Давид Тошев, Седат Мамудов и Марио Филиповски, а пак за гостинот стрелци беа Зејнула Мустафи и Ељмедин Шерифи.
Претходно, како што информираше Спортска Мрежа екипата на ССК Скопје дома загуби од Овче Поле со 2:3, а пак Енхалон на домашен терен беше убедливо поразен од Каршиака.
Колото ќе се комплетира вечерва со мечот меѓу Конзули и СЕЕ Университи, меч кој првично беше закажан за во Демир Хисар, но сепак сега ќе се игра во Ресен.
