Башкими на домашен терен денес во рамки на 20. коло на Втората лига ќе го пречека тимот на Охрид, каде домаќинот предводен од Баже Јанакиевски сака продолжува на победничката низа и нови три бодови со кои би можел да избие на првото место во Втората лига, а од друга страна и тоа да не се случи Башкими од коло во коло ќе биде се поблиску до влез во Првата лига.
Денес се игра првиот пролетен натпревар во Македонска Каменица, суспензијата на стадионот заврши, која беше изречена за два натпревари, Каменица Саса пред својата публика го чека лидерот Македонија ЃП.
Незгодно гостување за „лавовите“ од Ѓорче кој не смеат да погрешат против Саса, со цел да не го загубат лидерското место на табелата, бидејќи тоа го чека Башкими. Саса е повеќе од мотивирана, после одлични резултати во пролетниот дел, освен поразот во Велес, враќањето во Македонска Каменица ќе биде вистински фудбалски празник со многу публика и ветер во грб за „рударите“ до нов голем успех против фаворитот од Ѓорче.
На нивното прво соочување немаше победник, двете екипи ремизираа играјќи 1:1.
На „Железарница“ во Автокоманда ќе се соочат Скопје и Детонит Плачковица во дуел од средишниот дел на табелата, каде трите бодови им се императив и на двете страни со то би можеле да прогресират на табелата.
Радовишани ќе сакаат позитивен резултат после изненадувачкиот пораз од Осогово на свој терен, а пак „пиратите“ на Љупчо Марковски – Калц ќе сакаат нов триумф со што би можеле да избијат и на петтото место на табелата. Секако дека целта на двете екипи е што е можно повисок пласман на табелата.
Новаци нема можност за опуштање бидејќи веќе конкурентите за опстанок го стигнаа, а дополнително има само седум бодови повеќе од бараж зоната. Денес тимот на Дарко Крстески ќе се соочи со фаворитот Арсими, каде ќе има голема борба на теренот за освојување на целиот „плен“.
Арсими не смее да си дозволи нов „луксуз“ за загуби или ремизира на патот кон местата за Прва лига, а од друга страна Новаци повеќе од сигурно на свој терен ќе сака позитивен исход, патем Новаци секогаш се покажал како незгоден и тврд противник на свој терен.
Арсими нема триумф на теренот во Новаци, а има доживено неколку проази таму од 3:0 на пријателски меч и од 2:0 на првенствен натпревар кој се играше на 12. август 2023 година, односно на првото коло од минатата сезона, па тоа ќе биде голема претпазливост за тимот од Чегране, иако по квалитет е неколку пати подобар од Новаци.
Осогово сака ново изненадување сака три бодови бидејќи денес оваа рунда може да направи промени во долниот дел од табелата, а тоа ќе биде силен притисок за Осогово. Во Кочани гостување Брегалница, а „жетварите“ во Штип извлекоа бод откако одиграа 1:1, а денес во најмала рака Осогово ќе сака бод, но и триумф против Брегалница.
Победата над Детонит Плачковица во претходното коло им дава повеќе од мотив на „жетварите“ денес на „Никола Мантов“ да истрчат во обид за три бодови. Брегалница ќе биде фаворит на овој меч на тешкиот терен за освојување на бодови, а Осогово ќе се потпира на домашниот терен и на домашната публика и навивачите.
Во Богданци се игра дерби од дното на табелата каде Вардарски ќе го пречека Борец, дерби на две екипи кои се во опасната зона и дерби од кое зависи иднината на Вардарски, односно дали ќе остане конкурентен за баражот или и тие шанси ќе ги сведе на минимум.
Борец е поквалитетен тим во однос на Вардарски кој е составен од млади играчи и неколку поискусни играчи како Бејков и Танов. Триумф за Борец ќе значи ист број на бодови како и Осогово односно 13, ако Осогово загуби дома од Брегалница, триумф за Вардарски ќе значи зголемување на шансите за бараж на тимот од Богданци, а Борец ќе биде чекор назад одново во трката за директен опстанок, па ќе остане баражот како цел. Многу комбинации, но во Богданци и Кочани ќе има интересни средби каде на сите четири екипи им требаат бодови и немаат право на калкулации.
Во Прилеп на „Гоце Делчев“ дерби на два поранешни прволигаши, дерби на два фудбалски бренда, Победа ја пречекува Беласица. Две екипи кои повеќе од јасно заслужуваат да бидат во Првата лига, во фудбалската елита на Македонија, но сега тие водат борба во долниот дел од табелата и сакаат мирна завршница од сезоната.
Победа е младата екипа, но и Беласица е млада играчи надополнета со неколку искусни играчи. Дерби на два фудбласки бренда во можеби најфудбалскиот град во Македонија, каде целта е три бодови и на едните и на другите.
На „Цвај арената“ во Неготино ќе се соочат Вардар Неготино и Кожуф, каде и двете екипи ќе бараат победа после минималните порази во претходното коло.
Кожуф е сигурен во средината од табелата и комотен, во однос на Вардар Неготино кој и натаму „виси“ кога е во прашање опстанокот бидејќи има само седум бодови предност во однос на бараж зоната и нема право на грешка ќе мора да собира бодови и во последните неколку кола да влезе опуштен и со сигурен опстанок.
Натпреварите од денешното 20. коло започнуваат во 14 часот, а на сите натпревари во ЖИВО ќе можете да ги следите на овој линк.
