Навивачка група „Комити“ сепак ќе биде на трибините на стадионот во Кратово, каде утре Вардар ќе гостува кај домаќинот Силекс.
Управата на Вардар не го имаше пријавено присуството на „Комити“, за што навивачите информираа преку соопштение, па беше откажа организираниот превоз.
Сепак, како што информираат од НГ „Комити“, влез на стадионот, како и посебен дел на трибините официјално се обезбедени, ова е одлука на управата на Силекс, за што „Комити“ ја поздравија без разлика на сето досегашното ривалство.
„Обидот на Управата да оневозможи наше присуство во Кратово пропадна! Влез на стадионот, како и посебен дел на трибините, официјално се обезбедени. Ова е одлука на Управата на Силекс, која без разлика на сето досегашно ривалство, апсолутно ја поздравуваме! Е ова мора да биде сигнал за секој наш член, за секој Вардарец. Сега е моментот, сега се кова железото. Запали ја колата и во недела со екипата, дојди во Кратово! Пред стадионот е обезбеден посебен паркинг за нас. Не доцнете, во 13:30ч. најдоцна пред влез“, се вели во соопштението на НГ „Комити“.
Натпреварот се игра утре со почеток од 14 часот.
